• theoxygentimes@gmail.com

Blog


तिमी नारी

 

अनुपमा कट्टेल

डिमापुर

नागाल्यान्ड,    Email:Kattelanu11@gmail.com

 

मुटुभित्र एक मुस्लो आगाको

 ज्यालाहरू बोकेर

एक फाँको निस्कपट हाँसो

हाँसिदिन सक्ने

तिमी नारी ।।

 काँधमा एउटा जाहाज बोकेर

 पहाडका नागबेली बाटाहरू

तराइका बन र जंगलहरु

जीवनका अनेक उकाली

 ओरालीहरू चड्न

 अनायासै सक्ने

 तिमी नारी।

विषमताको बिरोधमा उनी धावा बोल्छिन

यो समाज

यो परम्परा

 खोक्रो आडम्बरको

साँध र सीमाना नाघेर

 उनी प्रगतिको शिखर चड्न

 चाहान्छिन।

सौन्दर्य की रानी

प्यारकी खानी हुन

 खुद्दारी की पहिचान र

बलिदान की गाथा हुन

तर पनि

 मुटुभित्र कताकता घाउ र

अव्यक्त पीडाको छटपटाहट छ...

तर पनि हे नारी

तिमीमा

 प्रेम छ...

प्रतिभा छ ।।

Post a Comment