:म दूधको तर हुँ:
गणेश शर्मा सापकोटा
ढेकियाजुली, शेणितपुर, असम।
म दूधको तर हुँ
गौ माताको सम्मान हुँ;
म दूधको तर हुँ I
म दूध वालाको गौरव हुँ, गृहिणीको रहर हुँ,
गृहिणीको बचत हुँ, गृहस्थको जागर हुँ,
शिवलिङ्गको चमक हुँ, नानीहरूको स्वास्थ्य हुँ,
म दुधको तर हुँ ।
म अनुहारको दमक हुँ महक हुँ,
दुधको मान हुँ सम्मान हुँ,
म दुधको तर हुँ ।
काँचो दुध तताउँदा म बनिन्छु,
मलाई मदानिमा फीट्दा मक्खन बनिन्छ,
तेही मक्खनबाट म घीउ हुन्छु,
क्रीम, पनीर, दही, मोई, मक्खन,घीउ, छुर्पी आदि मेरा बंशज हुन,
म विभिन्न रूपमा गए पनि म मै नै हुँ,
म दुधको राजा हुँ, म दुधको तर हुँ।
_______________
Post a Comment